Gose Jokoak (The Hunger Games)

Suzanne Collins

Alberdania

Panem herrialdeko agintariek urtean behin Gose Jokoak antolatzen dituzte, herri xeheak ahantz ez dezan zer gertatzen zaien matxinatzen diren barrutiei.

74. Gose jokoak dira eta barruti bakoitzak gazteak aukeratzeko zozketa egiten du. 12 barrutian Prim neskatoari tokatuko zaio, baina ahizpa nagusiak, Katnissek, bere lekua hartuko du.

Boterea, estatu kontrola, maitasuna, bizi-irauteak dakartzan ondorioak… gai guzti horiek agertzen dira akzioz betetako liburu honetan.

Irakurri eta pentsatu: ez zaizu damutuko!

Ezer ez

Janne Teller

Alberdania, 2012

Eskolako lehen egunean hauxe esaten die Pierre Anthonek ikaskideei: “Ezerk ez du garrantzirik, aspalditik dakit. Beraz, ez du merezi ezer egitea”. Eskola utzi eta aranondo batean gora igota oihuka hasten da ikasi duena aldarrikatzen. Hala ere, bere lagunek erakutsi nahi diote bizitzan badirela gauza garrantzitsuak, eta beraientzat garrantzi handia duten gauzak pilatzen hasten dira  zerrategi abandonatu batean.

2000. urtean Danimarkan Ezer ez argitaratu zenean, eztabaida ugari sortu zen hango gizartean, planteatzen dituen galdera moralak direla eta. Zer da garrantzitsua? Ezer ez bada, zertarako ikasi, zertarako egin ezer? Zerk egiten du garrantzitsua izatea?

Debekatua izan zen hasieran. Hala ere, gaur egun nahitaezko irakurketa da hango eskoletan. Norvegian, Frantzian eta Alemanian ere antzeko bidea egin du.

Maitagarrien belarrak

Sebastian Perez

Ibaizabal, 2011

Liburu dotore hau errusiar botanikari ospetsu baten egunkari sekretua da: Aleksandr Bogdanovitchena. Aleksandr Broceliandeko oihanera abiatuko da Rasputinen aginduz  hilezkortasunaren elixirra egiteko landare bila. Baina baso ospetsu horretan landareak baino izaki bereziagoak aurkituko ditu eta Aleksandren bizimodua eta sinesteak aldatuz joango dira.

Aleksandren ikerlan baliotsua, argazkiz, marrazkiz, gutunez, egunkariko artikuluz eta testigantzez ilustratua dago.

Album honen edertasuna paregabea da. Irakurri eta begiak gozatu.

Aire Beltza

Agustin Fernandez Paz

ELKAR, 2004

Psikiatriko batean dago Laura Novo, shock egoeran: inguruari ez dio kasurik egiten eta dena ahazturik du. Psikiatra gazte batek haren arimaren baitan sartzea lortuko du, horretarako idazteko aginduko dio. Baina ez batak ez besteak sumatzen dute errealitate ezezagun eta izugarri bati zabaldu diotela atea. Liburuak aurrera egin ahala beldurraren airea handituz joango da.

Zonbi bat San Mamesen

Fernando Morillo

Su gazte saila, 143or.

 

Inork ez du zonbietan sinesten bat aurkitzen duen arte. Horixe gertatzen zaie Zoro Iturrigorrigoikoerrotaberrikoetxea Pui izeneko gazteari eta haren lagunei. Jauregi zahar baten barruan, zonbi bat ikusi bakarrik ez,  nahi gabe aske ere uzten dute Bilboko kaleetan! Zorok aitari deitu beharko dio laguntza eske. Baina Zororen aita oso-oso bitxia da.

Zonbiak Athletic-eko partidu batean ere jokatuko du, belarriak jango ditu eta  Metroan ere sartuko da...: ihesean ibiliko dira Bilbon zehar abentura komiko honetan.

Zoaz Infernura, Laztana

Anjel Lertxundi

ALBERDANIA, 179.or.

Bikote harremanak aztertzen ditu Lertxundik eleberri honetan. Gehienetan, botere harreman bihurtzen dira harreman horiek, eta gaur egungo edozein egunkari hartzea nahikoa da ikusteko ez dela gutxitan gertatzen boteretsuenak bere boterea baliatzea ahulena umiliatzeko eta tratu txarren bidez otzantzeko. Etengabe jasango ditu emakumeak honelakoak:  “Puta zaharra, diotso Tomasek. Hitzekin batera patarraren kiratsa iristen zaio Rosari”.

Koaderno Handia

Agota Kristof

ALBERDANIA, 219.or.

Bi anaia bikien ikasketa-prozesua kontatzen digu Agota Kristofek. Liburuak jakin-mina pizten du eta erakarri egingo zaitu eta ez beti xarmagatik. Harrigarria egingo zaizue haur biek gerrari aurre egin eta bizirik irauteko duten gaitasunak. Gogorra da sarritan bere kontakizuna, eta gogortasun horrek talka egiten du haurrek istorioa kontatzeko duten modu xaloarekin.

Irakurketa amaitu eta gero, pentsakor lagako zaituen liburu horietako bat da Koaderno handia. 

Kafka y la Muñeca Viajera

Jordi Sierra i Fabra 

Siruela, 145 pags.

Un año antes de su muerte, Franz Kafka, paseando por el parque Steglitz, en Berlín, encontró a una niña que lloraba desconsolada: había perdido su muñeca. Para calmar a la pequeña se inventó una peculiar historia: la muñeca no se había perdido, se había ido de viaje, y él, convertido en cartero de muñecas, tenía una carta que le llevaría al día siguiente al parque. 

Aquella noche Franz escribió la primera de las muchas cartas que, durante tres semanas, entregó a la niña puntualmente, narrando las peripecias de la extraordinaria muñeca desde todos los rincones del mundo. Según cuenta Dora Dymant, su compañera en aquellos días, el estado febril con el que Kafka escribía esas cartas era comparable al de cualquiera de sus inmortales obras.

Deabruaren Letaginak

 

Fernando Morillo

Gaumin, 157 or. edo 127or. noraino irakurtzen duzun!

Bost ipuin dira, bost ipuin erdi beldurrezkoak, misteriotsuak, azkarrak, amaiera jakin nahi izatera bultzatzen zaituztenak…

Errealitatea eta fikzioa norberak mugatu behar ditu ipuin hauetan. Hori bai, seguru lehenengoa osorik irakurriko duzula.

Handik aurrerakoak bakoitzaren denborak, gogoak, jakin-minak baldintzatuko ditu.

 

Cuando Hitler Robó el Conejo Rosa

 

Judith Kerr

Alfaguara Juvenil, 264 pags.

La llegada de Hitler al poder va a cambiar radicalmente la vida de Anna y su familia. En su huida del horror nazi, deberán abandonar su país y dejar atrás muchas cosas queridas, como su conejo de peluche. Con él, también se quedará su infancia.

Cuando Hitler robó el conejo rosa es una de las novelas más leídas por los jóvenes de todo el mundo; es una obra que rebosa emoción y sinceridad.